O novo ruxe ruxe é que o poeta nacional que mellor boxea adia unha e outra vez a entrega da súa novela sobre o Oeste porque vai levar un galardón no Este do Estado. O Premio de Literatura Subterránea, que xuran o Muchacho das Bragas de Ouro, dispón de 601.000 argumentos para crebar a vontade do carpinteiro, pero eu moito me sorprende que permita que un libro seu apareza antes en español ca en galego. Eu si vía recollendo o cheque de mans da urdangarina a esoutra escritora que coñece ben por onde sopran os ventós en Barcelona. É nova, loira, coñecida, escribe en feminino e en sinxelo; en cámara dá que te pasas. O que me temo é que a miña visión se estragou hai uns meses: ela foi onda o Rei dos Comerciais Libreiros a entregarlle uns contos con premio de César Antonio e el lle contestou que si, nena, que si; pero que antes unha novela. Apostaría algo a que esa novela era a dos 601.000 argumentos. Ela acabou publicando no Viento de La Curuña, editorial minoritaria para minorías con pretensións e fachendas maioritarias. O Rei, premiando aos que tanto disgustaban ao Muchacho (quen esqueceu expoñer as súas quixoteces cando o premiaron). Eses relatos puideron aparecer en galego asemade ca en español; houbo proposta, pero a súa dona rexeitouno. Meses antes lle rexeitaran a ela o seu poemario Señor Amor en galespañol; acaba de saír en españogalego, por certo.