O CABARET VOLTAIRE MUDA EN AMBULANTE
O Cabaret Voltaire muda en ambulante e prepara unha minixira para este venres, día 4. O simposio que os editores celebran no Consello da Cultura de Santiago vaime ter como partícipe nunha mesa redonda sobre edición en internet que comezará ás once e media da mañá. A miña proposta chámase O teléfono móbil de Gutenberg. No serán desde mesmo día, falarei en Lalín sobre a literatura nacional e o que os escritores pintamos na sociedade baixo o título de A vida é demasiado curta e Otero Pedrayo demasiado longo. Será ás oito da tarde no Hotel Palacio e me gustaría que algún de vostedes polemizase comigo en directo para que os lectores non pensen que vostedes, os colaboradores do blog, son seudónimos que xenero eu. O convite para acudir a Lalín, e isto me emociona porque poderei coñecelo persoalmente, é dun sospeitosos habituais do Cabaret Voltaire, José Luis Sucasas.