mercredi 30 novembre 2005

OS CIBERCÁNDIDOS

O que lles vou contar é un asunto privado, pero xa que hai dous insidiosos e, sen embargo, amigos meus (María e Martin Pawley) preocupados vou explicar a cuestión dos dereitos de www.jaureguizar.info. Sei da literatura e do país no que escribo, pero disimulo e intento practicar o meu oficio como se fose unha profesión. Así, para informar os potenciais lectores e para facer un chisco máis atractivo o meu libro Cabaret Voltaire, encarguei unha páxina web a Marcos Sánchez, que fixo un traballo dunha calidade na que semella que... [Lire la suite]
Posté par Jaureguizar à 16:32 - Commentaires [29] - Permalien [#]

mardi 29 novembre 2005

JAUREGUIZAR.INFO

O Cabaret Voltaire abre unha nova sucursal. Despois da novela editada por Galaxia e o blog www.cabaretvoltaire.canalblog.com, convértese tamén en páxina web: www.jaureguizar.info. O deseño  de interiores é unha obra mestra de Marcos Sánchez, residente en Londres, barrio chantadino. Picando nos números, poderán acceder a un resumo da novela, unha relación de personaxes e a un currículo inmodesto de Jaureguizar. A maiores, poderán escoitar o mesmo que deleitaba os berlineses dos anos 30 que visitaban tan gloriosos locais.
Posté par Jaureguizar à 09:52 - Commentaires [41] - Permalien [#]
lundi 28 novembre 2005

TAL VEZ IRONÍA

Os organizadores da entrega do Premio García Barros indicáronme que debía sentar na Mesa 3. A noite foi ben divertida, con Camilo Franco sempre á procura do enxeño; con Carlos Lema sempre á procura da excelencia literaria; con Xabier López López, que me ficou lonxe e canso, pero do que, como adoito, aprendín. Faltou Francisco Castro na Mesa 3, na que sentei por indicación dos organizadores. A noite era fresca en todos os sensos. Escoitei a Víctor Freixanes dende a Mesa 3 e houben de termar da emoción cando as súas palabras nos... [Lire la suite]
Posté par Jaureguizar à 00:54 - Commentaires [9] - Permalien [#]
jeudi 24 novembre 2005

OS MALOS NOVELISTAS

Ramiro Fonte asegura na Nosa Terra que "os mellores escritores son os poetas, outra cousa é que sean bos ou malos novelistas". Case que asino abaixo.
Posté par Jaureguizar à 23:45 - Commentaires [37] - Permalien [#]
mercredi 23 novembre 2005

A MELHOR REVISTA DE PORTUGAL DESAPARECE

Reproduzo a necrolóxica que publica a revista portuguesa Periférica: A PERIFÉRICA VAI ACABAR Não adianta carpir, porque é decisão madura, colectiva, irreversível. E é também a decisão certa. Permitam-nos o nosso momento de humildade: o patamar que a revista atingiu, a visibilidade, o grau de exigência juntam-se num perfil para o qual já só com muito esforço estamos à altura. Fazer uma boa Periférica exige talento, tempo, dedicação, atenção, treino — uma redacção em forma e altamente disponível. De todos requisitos apenas nos... [Lire la suite]
Posté par Jaureguizar à 16:14 - Commentaires [3] - Permalien [#]
mardi 22 novembre 2005

MARÍA VICTORIA MORENO FINOU

Reproduzo nota: María Victoria Moreno (Valencia de Alcántara, Cáceres, 1941-Pontevedra 2005), que se estableceu en Galiza 1963 e foi especialmente coñecida polo seu libro Anagnórise, finou esta tarde. Publicou numerosas obras infantís e xuvenís entre as que destacan Mar adiante (1973), Leonardo e os fontaneiros (1986, reeditada en 1999), Guedellas de seda e liño (1999, incluída na listaxe White Raven, do Centro Internacional de Lectura de Múnic, 2002), Xa non teño medo (1998), A brétema (1999) ou Anagnórise (1988, reeditada en... [Lire la suite]
Posté par Jaureguizar à 19:11 - Commentaires [2] - Permalien [#]

mardi 22 novembre 2005

GONZALO TORRENTE 3

Moitos dos congresos aos que asistín semelláronme concurso de intelixencia e exhibicións de enciclopedismo. Esta fin de semana participei no terceiro Encontro de Escritores Galegos e atopei un modelo distinto, mellor. Luciano Rodríguez organizou un programa moito menos sobrecargado de relatorios e deixou unha marxe temporal ampla para o debate entre os asistentes. Falamos aló de literatura e xornalismo e resultou ben valioso poder intercambiar percepcións e queixas entre escritores e periodistas. As discusións permitíronme descubrir o... [Lire la suite]
Posté par Jaureguizar à 16:32 - Commentaires [2] - Permalien [#]
lundi 21 novembre 2005

TRECE POR DOCENA

Xabier López López, Xurxo Borrazás e máis un seguro servidor (falo de min, non busquen ironías) participamos no experimento que o editor de Navia de Suarna, Constatino Bértolo, fai no compilatorio de contos Trece por docena. Somos tres escritores en galego, tres en euskara, tres en catalán, tres en español e máis un en asturiano, cos que Bértolo intenta dar unha visión global da literatura estatal. Guinda o lema "Literatura en España: ¿Narración de narraciones?" como presentación deste libro de combate que se sitúa contra a... [Lire la suite]
Posté par Jaureguizar à 16:35 - Commentaires [10] - Permalien [#]
vendredi 18 novembre 2005

O CORREDOR FANTÁSTICO

Que me perdoe Martin Pawley, capo di capi do docampismo, pero o máis divertido que lin nos últimos meses é Fantasmas no corredor. A habelencia de Agustín Fernández Paz para montar unha trama fantástica (en todos os sensos) con catro elementos básicos e cotiáns é impactante. O ilustrador, Óscar Villán, atende moi ben á función e marca un puntazo de ironía retratando o escritor chairego.
Posté par Jaureguizar à 15:59 - Commentaires [6] - Permalien [#]
jeudi 17 novembre 2005

CABARET VOLTAIRE. 02

O pianista, que imitaba un cadáver polo físico enxoito e esluído e un neno pola enerxía emocionada coa que interpretaba, anunciou unha nova actuación cun fraseo identificable do seu instrumento. O enxeñeiro, que estaba de cara á parede, mirou ao camareiro desaparecer. Logo, Kurtz sentiu un batuxar e virou a cabeza porque ese son acuático resultaba inusitado nun cabaret. A un lado do escenario, case que entre sombras, había un gran tanque de cristal cheo de auga que lle pasara inadvertido, como lle ocorrería a calquera que entrase aló... [Lire la suite]
Posté par Jaureguizar à 10:40 - Commentaires [14] - Permalien [#]