O HAMLET DE BRAXE E TOSAR
Na mañá leveu unha alegría ben alegre e cedeira, o Hamlet de Braxe e Tosar, que será montado cunha maioría de investimento privado. Un pasiño máis para que Galiza poida empezar en aspirar a imitar a Cataluña e facer cultura de seu (na súa lingua) con empresarios destemidos poñendo cartos. Na Coruña, o 17 de febreiro, logo. Malia que, ao contrario da mairoría e dos críticos, Hamlet non sexa o meu personaxe favorito dos que inventou Stratford-Upon-Avon; porque tanta edipismo e tanta inseguridade resolta en arroutada cansan (o pasado sábado estiven mirando a versión que rodou Laurence Olivier). Eu, sempre preferín o mantelo (que din en Ribadeo) de Macbeth, manexado por esa muller tan sofisticada; debe de ser que me identifico. Tranquilos, a miña dona non le Cabaret Voltaire.