ARREDOR DE SI (MESMOS)

Alfredo Conde reflexiona algo moi sensato no último número da revista Dominical: "Un dos últimos redutos de Europa con capacidade narrativa é Galicia [...] salvando un grupo importante de grandes escritores, a maioría dos autores galegos son profesores universitarios que ensinan a mesma asignatura, len os mesmos libros, toman os viños nos mesmos bares ás mesmas horas e nos mesmos bares, casan coas mesmas rapazas e divorcian da mesmas mulleres... ¿Pode haber unha enorme variedade temática e ambiental? Circulan sempre arredor do mesmo".

Comments

[brautigan]

non comprendo as declaracións de Alfredo Conde, levan implícita a contradicción. de tódolos xeitos, a reflexión sobre os profesores-escritores e os seus hábitos vén xa de vello (pode relacionarse coa literatura infantil-xuvenil e a moralina). non me parece novidade.
por outra parte, a afirmación de Jaureguizar acerca das mulleres escritoras (xenérico: todas, ou todas menos unha ou dúas), paréceme un chisco arriscada.

[cirano]

Non estaría de máis algunha análise sobre os méritos/deméritos literarios do señor Conde, parece que sempre importe máis as filias-fobias políticas que o que un escriba, e non me parece xusto.
Despois, Bataille, non sei a quen me lembra vostede chamando a este país pequeno en español, faga honra ao Georges, e sexa un pouquiño máis orixinal.

[Bataille]

¡Pobre país: aquel donde reinan el nepotismo, la estulticia y la indigencia intelectual, cuando no la simonía¡

[xaquín]

A calidade dun escritor depende da terra onde naceu? Para facer grandes novelas hai que ter experiencias fóra do común? Entón a Faulkner onde o metemos, que pasou a vida nunha casa no rural? E a Kafka, pobre empregado de seguros? Eu pensaba que a vida extraordinaria só era precisa para as memorias. Si que estou de acordo en que falta variedade na literatura galega, pero coido que é máis un problema de falta de profundización e de renuncia á procura de novas visións da realidade por parte dos autores ca de buscar experiencias diferentes.

Polo demais, e botando un pouco máis de leña ao persoeiro, o Conde, que segundo lin é primo de Quintana, non tentará agora tamén subirse ao carro para completar o ciclo? Cousas peores se viron.

[xaquín]

A calidade dun escritor depende da terra onde naceu? Para facer grandes novelas hai que ter experiencias fóra do común? Entón a Faulkner onde o metemos, que pasou a vida nunha casa no rural? E a Kafka, pobre empregado de seguros? Eu pensaba que a vida extraordinaria só era precisa para as memorias. Si que estou de acordo en que falta variedade na literatura galega, pero coido que é máis un problema de falta de profundización e de renuncia á procura de novas visións da realidade por parte dos autores ca de buscar experiencias diferentes.

Polo demais, e botando un pouco máis de leña ao persoeiro, o Conde, que segundo lin é primo de Quintana, non tentará agora tamén subirse ao carro para completar o ciclo? Cousas peores se viron.