A Radio Galega segue sometida a ondas que desaougan os que somos seus escoitantes. O comité de empresa convocou unha asemblea para o venres (31 de marzo do 2006). A xuntanza foi promovida con 57 sinaturas de traballadores, máis dun terzo do persoal, para debater "a crise na RG". Os protestantes falan dunha cadea de demisións e de programas que desaparecen e volven aparecer. Lembran tamén que o modisto Antonio Pernas, o actor Nancho Novo, o xornalista Xosé Hermida e o profesor Carlos Taibo declinaron seguiren colaborando en Un día por diante despois da demisión de Xusto López Carril. Contan, a mairores, que esta semana tamén se fixo efectiva a demisión de Alberto Ordóñez, presentador e director do informativo da mañá, que será substituído por Isabel Vázquez.