O ÉXITO DE MOURE PUIDO SER MAIOR

O inmenso éxito de Herba moura de Teresa Moure puido ser aínda maior. Foi unha das dúas obras desbotadas de entre catro na final dos Premios da Crítica Galega na modalidade de creación literaria. A novela, orixinal e audaz, acabou vencida polo impresionante traballo de documentación e de reivindicación de Xabier Alcalá e pola singularidade poética de Manuel Outeiriño. Impúxose Alcalá tras máis de catro horas de debate. Os membros do xurado querían premiar a Alcalá sen deixar de premiar a Outeiriño. Argumentaban, loxicamente, que unha peza de narrativa non ten nada que ver cunha de poesía. Os organizadores entenderon a súa argumentación, pero, tamén con sentidiño, alegaron que non podía crear máis modalidades porque as existentes perderían prestixio. Deron un ultimatum ao xurado e o xurado optou con Alcalá.

Comments

[Matías Bruñulf]

http://conretinaousenretina.blogspot.com

[Matías Bruñulf]

Gracias. Mañán (hoxe) léoa con calma. Apertas.

[Leituga 1]

Noraboa a Xavier Alcalá por ese premio da Crítica. Ben que o merecía por esas novelas impresionantes sobre os protestantes evanxélicos en Galicia. Vai sendo hora de que se lle faga algo de xustiza a este escritor, quizais un tanto preterido por non dar a "imaxe" nin responder ás expectativas ideolóxicas politicamente correctas que semella se agardan dun escritor galego "comme il faut". E iso que seguramente é o mellor novelista galego vivo, con perdón da súa cara.

[jaureguizar]

A ver se aí

http://www.elprogreso.es/pdf.asp?Dia=07&Mes=05&Ano=2006

[jaureguizar]

¡Buf! Intenteino, pero non a atopei. Volverei buscala.