O xurado do Príncipe de Asturias vén de conceder o galadón a Paul Auster. O escritor impúxose na derradeira votación a Philip Roth. Os xuris valoraron "a renovación literaria que levou a cabo ao unir o mellor das tradicións norteamericana e europea, innovar o relato cinematográfico e incorporar á literatura algunhas das súas achegas" e apuntou que "coa súa exploración de novos ámbitos da realidade, Auster conseguiu atraer a lectores mozos ao dar un testemuño esteticamente moi valioso dos problemas individuais e colectivos do noso tempo". Auster gañou o Arcebispo San Clemente no 2000 por Mr. Vértigo.