ISIDRO NOVO GAÑA O 'ARCEBISPO SAN CLEMENTE'

Isidro Novo gañou o Premio Arcebispo San Clemente con Un escuro rumor tras o silencio. A miña novela Cabaret Voltaire ficou como finalista, xunto con Aguillóns de Ortegal de Hixinio Puente. Comprenderán que prefería que gañase o meu libro, pero gañou o de Isidro e me alegro porque o galardón págalle o esforzo literario que fai.

Comments

[Matías Bruñulf]

Parecía que o facía cos dous, mais o chino só lle estaba a chiscar un ollo. Bótelle unha ollada: http://www.bestiario.com/mvcuc/d.php?id=429

Apertas.

[marcos de auria]

Se tes un momentiño de vagar, convidámoste a visitar e máis a participar nunha bitácora que quere traballar por defender o galego en positivo:
www.blogoteca.com/falamosgalego/
Un saúdo cordial. S

[O vixía]

Vaia por diante tamén a miña felicitación a Isidro Novo e mais aos finalistas Hixinio Puentes (non Puente, Jaureguizar) e o autor deste blog.

Quero facer unha puntualización ao fío do que escribe Brautigán e o que responde Jaureguizar: son os profesores do Rosalía de Castro os que lles escolman aos rapaces as tres obras que teñen que ler en cada unha das modalidades. Entón, o problema está nese filtro previo, porque, sen que os rapaces poidan facer outra cousa, xa foron descartadas moitas obras e, entre elas, algunhas ben boas.

O Arcebispo San Clemente é un premio meritorio e singular porque o dan rapaces, pero deberían retirarlles as angarellas para que puidesen andar por si sos, do contrario nunca saberemos qué escollerían eles de modo totalmente libre.

[jaureguizar]

Entran os editados no 2005.

[brautigan]

OK, felicidades a Isidro Novo.
por outra parte, non estou moi informado do funcionamento dese certame. non sei se entran a concurso os libros editados no pasado ano, en xeral, ou soamente os que levaron un premio no pasado ano en xeral. de se-lo primeiro caso, sería moito traballo para eles; de se-lo segundo, sería unha auténtica carallada. je pense.