3.000 GRAZAS

Eles estiman que a primeira edición pode esgotarse a fins de xaneiro, a catro meses de saír á rúa. Daquela, darei 3.000 grazas aos 3.000 compradores que fixeron posible que me entusiasmase tanto.

Comments

[Jaureguizar]

Primavera, as cousas claras, si; coa bonita sinceridade do seudónimo.

[Jaureguizar]

Cerebrito, cada ano saen varios centos de libros de LIX que teñen que competir entre eles para que os profesores e/ou os alumnos os escollan. Obviamente, non todos os libros de LIX venden 3.000 exemplares. A cifra é elevada de seu, cando máis para chegar a ela en catro meses. É algo excepcional e eu sinto unha sorpresa, unha ledicia e un agradecemento inmensos que decidín facer públicos no Cabaret Voltaire. Non me parece que teña que ser motivo para amargar a ninguén; agás que vostede prefira que os pais (en parte, ricos) gasten 8 ou 9 euros en fomentar as industrias da hostelaría ou do perdigón no canto de comprar un libro. Sobre as súas consideracións étnicas, que eu percibo como un alento a esa parva modestia cínica que practican algúns dos meus colegas, non teño moito que dicir. Seica antropólogo pode ser calquera.

[Primavera]

Cerebrito lavao non. Cerebrito ben amueblado. Si señor, as cousas claras.

[Cerebrito lavao]

Se vendes 3000 exemplares e porque llos obrigan a mercar ós cativos nas escolas en troques de ler literatura da boa, dos clásicos. Así que menos lobos, Jauperuzita. Se os planos de estudo nos institutos galegos acadaran a media europea o sistema literario galego que sustentan os pais (en parte bastante pobres) dos coitados nenos forzados a ler lixo e ti mesmo, non existirían no mercado e nen baixo LSD poderías maxinar vender 3000 exemplares, e como ti, algúns máis. Así de claro. O que pasa é que eses non falan do longo que é o seu carallo en público. Nós os galegos, somos máis discretos e reflexivos que os da súa etnia.

[jaureguizar]

Buffff, é máis axeitado falar de compradores porque se falamos, por exemplo, de que se deu saída a cen exemplares dun libro, a única certidume que temos é que o compraron cen persoas. Lectores puideron ser cen, cincuenta ou trescentis. Podería falar eu de 4.000 ou 5.000 lectores para 'A cova' calculando que cada exemplar vai ser lido por máis dunha persoa como media, pero sería pouco serio. ¿Non é?