A miña libraría de cabeceira cumpriu dez anos e, con ese motivo, pediunos contos a dez escritores relacionados don ela para publicar o precioso libriño Dez anos, dez historias, cunha capa ben chula de Noemí López. Os autores somos Pepa Barrios, José Campanari, Paula Carballeira, Ana Carreira, Pepe Coira, Manuel Darriba, Xosé Ramón Díaz, Toño Núñez, Xerardo Quintiá e mais eu, que escribín A trama de noite. Todos entendimos que se nos pedía un relato relacionado con libros, mesmo algúns intuímos que se nos pedía que fose relacionado coa libraría solicitante. Tamén houbo quen dedicou a súa achega a un amigo da súa vila, que algo ten que ver cos libros e poida que ata coa libraría.