Os portugueses fascínanme. Nunca viviría entre eles por ese xeito de guiárense pola vida, pero non deixa de abraiarme que o principal problema do país sexa o desacougo profesional dun rico, pero menos que o Jornal de Notícias dedicase catro páxinas ben destacadiñas na edición de onte á mostra que unha pintora abriu en España, nin que a revista do Público presente a capa completa a imaxe dunha escritora. Por non falar xa de que me axuden a enfrontar as choivas e a viruxe do outono cuns solventes Timberland a soamente 68 euros. Desacóugame dar as costas á empresa que me calzou durante anos, mais deixaron de fabricar o meu modelo favorito, un par ben fortificado para a invernía.
