DENDE HAI OITO ANOS

O Museo Provincial de Lugo agarda polo seu director. Vén sendo xestionado por Encarna Lago dende hai oito anos, cando Cacharro decidira substituír a Lucila Yáñez. Lago non puido ser nomeada directora por carecer da titulación precisa; o seu cargo é o de xerente e vai seguir séndoo. Dentro de quen goberna Cultura na Deputación, hai posturas contrapostas: hai quen valora o seu labor destes catro anos, dende logo intenso e eficaz no obxectivo de levar os lucenses ao museo, e hai quen critica o xeito no que foi incorporada ao posto e que os seus coñecementos artísticos non están á altura do cargo. Como candidato a director soa un escritor, que ten as vantaxes de ser un home da casa, ter competencia profesional abonda e a discrección que pretenden os mandatarios nacionalistas en San Marcos para o cargo, disque precisa unha posta ao día. Hai unha segunda alternativa. Ao seu favor están os seus oceánicos coñecementos sobre o pasado da cidade; en contra, o seu propio pasado e o rexeitamento en sectores artísticos e sociais da provincia. O terceiro nome é o dun artista moi respectado e con sona de falar claro. Mesmo soa unha man das nosas xeracións, moi afeita a coller billetes de avión para expoñer. A elección pode adiarse ata fins de novembro, cando os nacionalistas teñan reorganizado o seu persoal e debuxados os orzamentos.

Comments

[Jaureguizar]

Recoñézolle a contumacia parriana, Pawley. Eu daríallo a Updike, malia 'Terrorista'. Deixeme mirar cómo están as cousas e lle meto un fío.

[Martin Pawley]

Veña, móllese... co Nobel que se anunciará mañá. Roth? Adonis? Murakami? Carol Oates? Eu teño ben claro a que non llo van dar: http://www.nicanorparra.uchile.cl/