A FACTORIA K IMPORTA E EXPORTA

Xa llelo apuntara, Faktoría K súmase á tradución para o galego en adultos. Asinan as seis primeiras obras de Caixón de Narrativa Boris Vian, Eric-Emmanuel Schmitt, John Boyne, Vladimir Nabokov, Bernardo Atxaga e John Kennedy O'Toole. A editora inicia tamén neste mes unha liña inversa na tradución coa publicación en español de dous libros de relatos, A frontera infinda, de Celso Emilio Ferreiro, e de Males da cabeza de Fran Alonso.

Pola súa banda Males da cabeza aparecerá tamén en catalán e en polaco. A tradución de Mals de cap, de Fina Iglesias, será tirada pola editora El Cep i la Nansa. A versión en polaco será de Joanna Wlodazczyk, que está a facer a súa tese de licenciatura sobre a tradución do libro de Alonso a esa lingua.