VESTIO

Os escritores sempre padecemos os sentimentos máis puros diante dos éxitos dos colegas. Eu sentín pura envexa cando me informei de que Xosé Miranda nada xa en augas de segunda edición dun seu libro que vén de saír. Pero hai máis noticias de Miranda. Ultima unha guía de Gz, detallando os seus concellos, tanto no seu patrimonio material como inmaterial, que publicará Xerais. Na mesma editorial aparecerá a nouvelle Vestio, en Fóra de Xogo. Vai dun antropólogo inglés que chega a Gz para investigar a pervivencia do culto a Priscialiano e se atopa coa pervicencia dun culto primitivo a un deus que é asemade demo.

Comments

[Jaureguizar]

Cunha columna pagamos o premio ese tan necesario e con outra a Oficina Exterior do Libro Galego. Canta sensatez a súa, señor Sucasas, para ser de Lalín :-)

[sucasas]

Jaure, a toro pasado e en referencia á notiña sobre Dolores Vilavedra e o Cervantes, ¿por que non un gran premio literario público? E non valen escusas de falta de cartos, pois cunha columna do Gaiás dótase o premio para varios anos.