'LIMPEZA DE SANGUE', NO LIMBO TEATRAL

Pasaron máis de dous anos dende que Rubén Ruibal levara o Premio Álvaro Cunqueiro e estamos ao pé de que se cumpran dous meses dende que gañara o Premio Nacional de Literatura Dramática por Limpeza de sangue e a peza segue sen perspectivas de representarse. Independentemente de que o Igaem non parece obrigado legalmente, unha obra tan considerada por ambos os xurados debería ser montada. O autor, que aseverou que se atende pouco aos dramaturgos nacionais, anunciara no seu día que ía dedicar unha parte do importe do premio a contratar avogados para defender un dereito que el entende que ten.

Comments

[r.r.]

Recurrín ó IGAEM, pero non creo que vaia servir de nada.

Outro saúdo.

[jaureguizar]

Sobre o artigo de Bragado ao que me enlaza, lereino en canto teña o vagar preciso. Polo que mirei, fala da oficina da exportación da nosa literatura, unha petición na que levo anos apoiándoo. Lerei tamén a entrevista con Anxos Sumai, unha persoa con moitas cousas que dicir.

[jaureguizar]

Estimado señor Ruibal, creo que me enganei ao introducir a interpretación dese artigo na miña entrada. Sego sen compartir a que fai vostede, aínda que bote en falla unha solución para o caso de que a proposta fique deserta. Con todo, gustaríame saber se recorreu ou pensa recorrer para defender a súa interpretación. E volvendo ao primeiro, foi un erro, recoñezo, porque penso que o que importa agora é que Limpeza de sangue non quede no limbo das pezas teatrais que non chegaron á escena.

[r.r.]

Cortopego fragmento da base oitava desa convocatoria de premio (base que o novo goberno eliminou en canto organizou o premio por vez primeira nunha decidida mostra de apoio ós nosos autores):

"O IGAEM sacará a concurso público, dentro da convocatoria anual de convenios de produción e distribución para compañías de teatro profesional, a obra galardoada, co obxectivo de que as compañías teatrais galegas que o desexen poidan optar a dito concurso. A comisión encargada
da valoración dos proxectos determinará, en función das garantías que se establezan, cal será a compañía que poña en escena a obra gañadora"

Será que son eu o que le interesadamente.

Escollimos mal día para a polémica: http://bretemas.blogspot.com/2007/12/literatura-con-denominacin-de-orixe.html

¡Un saúdo!