O FRACASO DOS 'COSTA'
Os Premios Costa (antigos Premios Withbread) a unha novela publicada por un autor residente nas illas británicas foron todo un espectáculo na edición deste ano. Á final en novela chegaron obras condicionadas polo fracaso. Gañou unha cómica escocesa coa historia dun ex soldado da Segunda Guerra Mundial que volve ao pasado ao traballar nunha película. Non quixo asinar por se a novela non gustaba e foi un éxito. Finalista nesa categoría e vencedora na de primeira novela foi a dunha ex empregada de Correos rexeitada por vinte axentes literarios antes de acadar o éxito. Antes fora finalista do Booker e máis do Orange con ese texto. Na categoría de LIX venceu unha historia real escrita pola nai dun rapaz de 24 anos, cunha doenza conxénita de corazón que foi trasplantado con éxito e finou unha semana despois.