jeudi 31 janvier 2008

A CASA BONITA DE SUMAI

"A caixa era delicada, silenciosa, discreta". Así tamén a casa que construíu Anxos. A maiores é dunha prosa forte e bonita, dunha fondura emocional que emociona fondamente. A única pexa da casa é que semella erixida aos poucos, por engadido materiais, a penas cun croquis previo; pero, en todo caso, ben agradable de habitar.
Posté par Jaureguizar à 15:58 - Commentaires [7] - Permalien [#]

mercredi 30 janvier 2008

DE MATOS RESUCITA NO PAIS DE AMARAL

A edición portuguesa padece o agardado proceso de peixe grande papando no pequeno. A edición portuguesa goza do agardado proceso do nacemento de peixes pequenos que tratarán de sobrevivir buscando un placton de calidade. Ediçoes Nelson de Matos debuta a fin do vindeiro mes cunha ficción inédita de Cardoso Pires, O Lavagante. Os libros estarán ordenados en cinco coleccións: Mil Horas de Leitura (conto, novela, romance e poesía), História Hoje (Historia recente, biografías, reportaxes), Pensar Navegar (ensaios científicos), Outras... [Lire la suite]
Posté par Jaureguizar à 06:26 - Commentaires [0] - Permalien [#]
mardi 29 janvier 2008

NON SOAMENTE AS FEIRAS LITERARIAS XERAN LEAS

Ollo de Vidro propónme que entre nun debate precioso. Eu pouco sei do tema, mais, como periodista, estou afeito a opinar sobre cuestións que ignoro largamente. Rubín discrepa da promoción colectiva que Cultura está facendo da BDG porque a igualdade trae canda ela desigualdade ao equiparar calidades e esforzos, e porque lle cheira a populismo electoral. Cando menos, aledémonos, dende que entrou o BNG no goberno podemos criticar a política cultural de Cultura porque pasamos da nada a termos unha política cultural. A presenza dos nosos... [Lire la suite]
Posté par Jaureguizar à 16:24 - Commentaires [2] - Permalien [#]
lundi 28 janvier 2008

O MORBO CUMPRIDO: ANTUNES E SARAMAGO PARTILLAN EDITOR

Os seareiros portugueses levaban tempo arelando un encontro de dous rivais: José Saramago e António Lobo Antunes. O empresario Miguel Pais do Amaral fíxoo posible. Soamente había sitio para un Nobel portugués e Antunes semella que non esqueceu, por ser "um autor que precisa de muita atenção". Pais tería dadas as garantías que lle esixía o ego de Antunes nun recente almoço e logrou que xuntar a ambos os dous na mesma editora. Os cronistas afirman que o escritor abandonou satisfeito o encontro, mais eu penso que interpretaron... [Lire la suite]
Posté par Jaureguizar à 16:00 - Commentaires [2] - Permalien [#]
vendredi 25 janvier 2008

ALFOMBRA VERMELLA PARA A MÚSICA GALEGA

O apoio que está dando Cultura á música nacional é intelixente e necesario. Hai que estar en Cannes e alí van estar representantes de catro discográficas. Deberíamos ir intentando ter un pavillón de nós para vindeiras edicións coa fin de non ter que figurar como parte doutra proposta distinta, como se non tivésemos entidade de nós, mais é moi importante comezar a consolidar a nosa presenza.
Posté par Jaureguizar à 06:33 - Commentaires [2] - Permalien [#]
jeudi 24 janvier 2008

O FRACASO DOS 'COSTA'

Os Premios Costa (antigos Premios Withbread) a unha novela publicada por un autor residente nas illas británicas foron todo un espectáculo na edición deste ano. Á final en novela chegaron obras condicionadas polo fracaso. Gañou unha cómica escocesa coa historia dun ex soldado da Segunda Guerra Mundial que volve ao pasado ao traballar nunha película. Non quixo asinar por se a novela non gustaba e foi un éxito. Finalista nesa categoría e vencedora na de primeira novela foi a dunha ex empregada de Correos rexeitada por vinte axentes... [Lire la suite]
Posté par Jaureguizar à 22:15 - Commentaires [0] - Permalien [#]

jeudi 24 janvier 2008

WOLFE, BACK TO MONEY

Sergio Vila-Sanjuán asegura que pasou o tempo dos editores e que estamos no dos axentes literarios. Fala de Estados Unidos, nomeadamente. Na Galiza nin axentes literarios temos, porén non podemos queixarnos da calidade dos editores. Intúo que os nosos editores acabarán mudando en axentes literarios na volta duns anos, cando a tiraxe dos libros gutenberianos se reduza en boa medida diante de formatos máis baratos (pdf ou edición dixital, dado que o libro electrónico non dá arrincado porque ninguén quere mercar un soporte novo cando ten... [Lire la suite]
Posté par Jaureguizar à 15:58 - Commentaires [0] - Permalien [#]
mercredi 23 janvier 2008

¿HANDKE APAGA A LUZ?

A miña relación con Peter Handke resúltame estraña dende a primeira vez que o lin. Nada ten que ver co que me gusta en literatura, moito máis narrativo, mais gústame. Lento regreso e La doctrina de Saint-Victoire influíronme en grande medida, están aboiando coma unha néboa baixa nas miñas descricións de espazos. Carta breve para un largo adiós fíxoseme curiosa. La pérdida de la imagen o por la sierra de Gredos sorprendeume ao primeiro, pero acabou por desconcertame ata o punto de abandonala na páxina 85. Lucie en el bosque con estas... [Lire la suite]
Posté par Jaureguizar à 15:44 - Commentaires [10] - Permalien [#]
mardi 22 janvier 2008

90-60-90

Linlle a Camilo Franco por algures (non son quen de atopar o artigo, perdón) que había unha xeración de escritores sen definir. El daba as cifras 60 e 90. Eu concordo co señor Franco en que hai unha chea de autores que empezaron a publicar nos 90 e que agardan para ser catalogados coma esas caixas de libros que se doan ás bibliotecas e que pasan anos nun curruncho ao pe da biliotecaria. Eu fixen un intento, cun minidebate que resultou bonito, e mesmo ousei a intentar agrupar á xeración do novo século, dando lugar o meu comentario a... [Lire la suite]
Posté par Jaureguizar à 16:02 - Commentaires [2] - Permalien [#]
mardi 22 janvier 2008

XURADO DO PREMIO BLANCO AMOR

Xesús Rábade Paredes, Isidro Novo, Marica Campo, Dolores Vilavedra e Ramón Nicolás decidirán o novo Premio Blanco Amor.
Posté par Jaureguizar à 15:43 - Commentaires [1] - Permalien [#]