vendredi 15 février 2008

O SECUESTRO DE RIVAS

Comendo espaguetis diante da televisión é unha novela negra cunha trama central baseada nun protagonista que debe quitar un cadáver que alguén agochou no sitio máis vixiado de Galicia. A maiores, hai outra trama e varias subtramas. Entre elas, o secuestro de Manuel Rivas. O caso é que esa subtrama foi a máis comentada e estes días, pasada unha década dende a publicación, volve estar de actualidade. Informeime onte de que Xurxo recomendou ese libro nun instituto e de que os nosos de alén o mar incluírono nun ciclo de novela negra... [Lire la suite]
Posté par Jaureguizar à 15:45 - Commentaires [6] - Permalien [#]

jeudi 14 février 2008

UN ACTO DE AMOR

A miña muller sempre me reñe por facer estas campañas, mais dado que hoxe é o Día dos Namorados, voulles pedir a aqueles de vostedes que sexan membros da AELG que pepetren un acto de amor, se interesen por Plastilina nos pulmóns, e voten por el como candidato aos premios da entidade na categoría de LIX. Poida que eu non o mereza; pero Nacho Chao, si. Prometo un bico zumento na fronte a quen cometa o que lles solicito.
Posté par Jaureguizar à 16:15 - Commentaires [7] - Permalien [#]
mercredi 13 février 2008

AS ROUSAS DE PIMENTEL

Vai alá medio século que o barco ficou sen luces. Presumimos del como un dos nosos, cando non o foi. Un amigo que estudou os seus manuscritos di que o seu galego era deforme, que el intentaba escribir en galego e lle saían cousas como rousas. Sempre había algún amigo disposto a correxirlle o textos. Os galeguistas de Lugo (Fole, Piñeiro, Fernández de la Vega, Bal y Gay, etc.) tiraron por el deseguido para atraelo á causa e lográrono, pero seica para el o galego era un xeito de chamar á súa filla ou de berrarlle cabuxiña as poucas... [Lire la suite]
Posté par Jaureguizar à 15:29 - Commentaires [9] - Permalien [#]
lundi 11 février 2008

A COMPAÑÍA DAS VOGAIS

Ata para ser vogal hai que ter boas compañías, como a dunha veterana editora sobre que as defenda dende hai un ano.
Posté par Jaureguizar à 23:20 - Commentaires [3] - Permalien [#]
lundi 11 février 2008

A CORUÑA TRAS O TIFÓN VÁZQUEZ

Discrepo, en parte das afirmacións do profesor Lezcano. Percibo un exceso de nostalxia da pequena cidade burgueso-mariñeira que el puido gozar decontino e moitos fixémolo con regularidade. Eu penso que a Torre de Hércules está ben ensalzada no seu entorno. ¿Hai rañaceos que a tapan para mirala dende a cidade? Debería ter en conta o señor Lezcano que a cidade foise erixindo nunha estreita península, mesmo sobre moitos arenais, e que a presión poboacional e de prezos marca os rañaceos como única solución para acomodar a unhas persoas... [Lire la suite]
Posté par Jaureguizar à 22:28 - Commentaires [0] - Permalien [#]
lundi 11 février 2008

35 -, 1 +

Vinte anos menos, quince quilos menos e unha barba de máis. ¡Grazas, BCNegra! (Xa lles contara eu que estaba convidado, mais non puiden acudir).
Posté par Jaureguizar à 22:04 - Commentaires [0] - Permalien [#]

vendredi 8 février 2008

TEATRO CATALÁN

Un dos meus arquitectos favoritos proxectou a nova ESAD. A maiores de concordar as liñas máis sinxelas para facer obras, é consciente de que o seu traballo vai alén de cementar.
Posté par Jaureguizar à 16:17 - Commentaires [1] - Permalien [#]
jeudi 7 février 2008

OS IRMÁNS DA LUZ

Consulto con alguén que sabe do tema e me di que o problema non é este, que iso non pasa de ser un atranco coxuntural, pero que a competencia pode representar algo máis serio.
Posté par Jaureguizar à 23:09 - Commentaires [0] - Permalien [#]
mardi 5 février 2008

VELHA INFANCIA

Miguel escribiu o domingo algo tan humano que se me viron enriba as pesadas lembranzas de hai dous anos. No paso do 2005 ao 2006 botei por volta dun mes temendo que a miña filla, catro anos na altura, padecía o peor. A doenza era ben outra, cumpridamente menos estarrecedora, pero aínda hoxe me agroman as bágoas no interior das pálpebras cando escoito a canción que escoitaba de seguido daquela. Ese título... brincaba tan metaforicamente co que lle acontecía á miña pequecha que me metía pánico.
Posté par Jaureguizar à 15:41 - Commentaires [0] - Permalien [#]
dimanche 3 février 2008

A VER SE VAI SER CERTO O DA INSPIRACIÓN

Aconteceu de madrugada. Alá foi un mes que empecei a muiñar nunha novela que teño de rematar contra fins de marzo. Hai unha semana dei alumeado o arrinque, pero cada vez que tiraba do bico dese fío na procura do resto da trama, se me rachaba. Esta madrugada, arredor das catro, acordei e empezou a corretear polo meu maxín a novela completa. Erguínme, por suposto, ainda non ben esperto, e esborranchei un folio cos fitos da trama que se me apareceran.
Posté par Jaureguizar à 15:10 - Commentaires [2] - Permalien [#]