NATALIA COLOMBO, QUEN MELLOR ILUSTRA ÁLBUMS

Natalia Colombo gañou o Premio Compostela de Álbum Ilustrado e fíxoo na edición que máis se agradece, esa na que miras para atrás e non hai ninguén. Colombo gañou o premio coa proposta Cerca, cunha ilustración orixinal e sobria. Segundos foron Javier Sobrino e Rebeca Luciani con A nube de Martín, sendo o debuxo da súa maqueta máis rico, de volumes moi xenerosos e confortables, e máis xeneroso no uso das cores. Gustoume máis este segundo. De Luciani xa coñecía o delicioso O sorriso de Daniela, que foi corvo branco. Kalandraka ha publicar ambos os dous álbumes, estando previsto que se edite antes o gañador por ser un proxecto máis adiantado.