PAQUETES DE ENSOÑACIÓNS

Unha mañá na que o sol lle enchía o xardín e a luz puxo a bailar un vals de apertas e bicos os paxaros da súa cabeza decidiu que ía mudar nun escritor novo. Tanta era a novidade que mesmo cambiou de sistema literario. Foi facendo paquetes de ensoñacións co librote e remitíndoo ás editoriais nas que lle traduciran algúns libros. Unha tras outra, nunha cadea de incomprensión e crueldade, indicáronlle que non entraba no seu proxecto editorial ou advertíronlle de que non achaban unha colección axeitada para o seu textazo. Reanimouse e enviou a outras editoras. A resposta semellaba de plantilla fixa. Derrotado, perplexo, regresou onda sempre. Agora, claro, reivindica o seu sistema.

Comments

[land]

Vaia, vaia, alí non hai praia!

É que non hai nada mellor que A Lanzada.

[jaureguizar]

Fifi, hai un acontecer que corre por aí moi ilustrativo a respecto diso. A min chegoume por tres vías diferentes, así que debe de ser certo. Disque o loubado se enfadou moito co loubante nun acto nutrida e ostensiblemente público.

[jaureguizar]

Eu pretendía facer un conto, Ro; pero vexo que o perciben como baseado en feitos reais.

[Fifi]

Para min que fala do "periférico e marxinal" que lle escribe loas a Santiago Rey Fernández-Latorre...

[ro]

está vostede falando de alguén do sur de ourense, sr. jaureguizar?