274 QUILÓMETROS POR UNHA DÉBEDA CON MANUEL RIVAS

Percorrín 274 quilómetros por unha débeda. Houbo quen me preguntou polo motivo de facer esa viaxe para estar unha hora e media nun restaurante. Había motivos profesionais de interese, pero tamén motivos personais. No xantar, xa ao primeiro, xurdiu o asunto das discrepancias: "Este país non está preparado para as polémicas, a xente confunde o que ti opines sobre a súa obra ou sobre as súas afirmacións coma un ataque persoal", escoiteille ao protagonista do acto. Manuel Rivas demostroume nestes cinco anos nos que teño abertas ao público covas célticas que el acredita nesa afirmación. Teño sido implacable con novelas e afirmacións súas, certo que tamén teño loubado libros que son un referente insustituíble para min e que teño pedido a Lúa para el (porque creo que a merece), pero en todos os casos demostroume a súa elegancia.

Comments

[Jaureguizar]

Hai que ter en conta que moito do que os prosapoéticos de suspiro longo denominan "novelas" non pasan de seren recompilatorios de frases rimbombantes nas que hai tramas que avancen nin personaxes que se vexan afectados polos aconteceres.

[Kino]

Ai, ese sistema tamén o sigo eu...

[Jaureguizar]

Kino, o Nobel concédese por motivos moi diversos; ás veces, mesmo a literatura inflúe na decisión. Hai xente que critica a escritores sen coñecer de todo a súa obra: eu adoito meterme con prosapoéticos de suspiro longo, pero penso que abonda con ler as 10 ou 20 páxinas primeiras e saltar 535 follas para facer unha nova lectura de 10 ou 20 páxinas: a novela segue no mesmo rego.

[Kino]

Supoño que o Nóbel, igual que se concede por méritos políticos podería concederse por méritos sentimentais, pero eu de pedilo para Rivas faríao polos seus méritos literarios.

Tocante o das polémicas, tamén é bo saber que hai quen realiza ataques persoais sen coñecer a obra do atacado. De todo hai, ¿non?

[jaureguizar]

A min non cabe dúbida de que é unha das mellores persoas que coñezo, polo que seguirei pedindo a Lúa para el.
http://www.youtube.com/watch?v=XQXnvNwGTAY