vendredi 27 juin 2008

LEMBRADO DENTRO DE CINCUENTA ANOS

"Podo asegurarlle que non me tomo con seriedade suficiente como para pensar que estou escribindo fición literaria nin nada que vaia ser lembrado dentro de cincuenta anos. Non vou estar aquí dentro de cincuenta anos; tanto me ten se me lembran ou non. É puro entretemento". ¡Hondiá! Nunca pensei que este señor e máis eu fosemos cadrar na ollada sobre o oficio.
Posté par Jaureguizar à 22:03 - Commentaires [0] - Permalien [#]

vendredi 27 juin 2008

LOLITA EN OBABA

Faktoría K incorporou dous novos títulos, Lolita, traducido por Xesús Fraga e Obabakoak, en versión de Ramón Nicolás. O neno do pixama a raias anda xa en cuarta edición.
Posté par Jaureguizar à 17:41 - Commentaires [16] - Permalien [#]
vendredi 27 juin 2008

A LÚA DE SENEGALICIA

Agustín Fernández Paz, o merecente do Nacional de Literatura 2009, empezará estes días a redactar dous proxectos. 'A Lúa do Senegal' estará protagonizado por unha inmigrante senegalesa nunha grande cidade. Escribe cartas á Lúa porque é o único que a urbe na que vive ten en común co seu país. Será unha novela para mozos, mentres que o segundo proxecto, aínda por nomear, se dirixirá a rapazadultos. A trama estará organizada sobre un misterio e ambientada na actualidade, con voltas aos anos 60 e 70. Entre mentres el escribe, eu seguirei... [Lire la suite]
Posté par Jaureguizar à 11:52 - Commentaires [0] - Permalien [#]
vendredi 27 juin 2008

CANDO FOMOS NEGROS

e as horas eran sucias. A olladela atrás de Daniel Salgado é ben completa para falar dun xénero que sempre se mantivo vivo nos lindeiros dunha literatura que, soberbiamente, desprezaba a literatura de xénero.
Posté par Jaureguizar à 11:42 - Commentaires [2] - Permalien [#]
mardi 24 juin 2008

O PRÍNCIPE DE ASTURIAS APUNTA A UN ESPAÑOL

Margaret Atwood, Juan Goytisolo, Ian McEwan e Ismail Kadaré son os catro candidatos finalistas ao Premio Príncipe de Asturias das Letras. O fallo darase a conocer hoxe en Oviedo. Gaña afianzamento entre o xurado a teoría (pailana) de que se debe premiar a un escritor español porque non gaña un dende Augusto Monterroso no 2000, así que xa poden ir buscando unha casa de apostas e xogar os aforros por Goytisolo. A proposta de McEwan vén, inagardadamente, do meu mito Sánchez Dragó.
Posté par Jaureguizar à 22:46 - Commentaires [14] - Permalien [#]
mardi 24 juin 2008

PREMIO SAN CLEMENTE

Anxos Sumai, Julian Barnes e Luis Landero gañan o Arcebispo San Clemente.
Posté par Jaureguizar à 21:06 - Commentaires [0] - Permalien [#]

lundi 23 juin 2008

274 QUILÓMETROS POR UNHA DÉBEDA CON MANUEL RIVAS

Percorrín 274 quilómetros por unha débeda. Houbo quen me preguntou polo motivo de facer esa viaxe para estar unha hora e media nun restaurante. Había motivos profesionais de interese, pero tamén motivos personais. No xantar, xa ao primeiro, xurdiu o asunto das discrepancias: "Este país non está preparado para as polémicas, a xente confunde o que ti opines sobre a súa obra ou sobre as súas afirmacións coma un ataque persoal", escoiteille ao protagonista do acto. Manuel Rivas demostroume nestes cinco anos nos que teño abertas... [Lire la suite]
Posté par Jaureguizar à 23:04 - Commentaires [6] - Permalien [#]
dimanche 22 juin 2008

A METADE DA VIDA

Cando tiña 18 anos confesei a Ramón, que vivira a metade da súa vida, que quería ser novelista. Aconselleume seguir sendo contista ata os 40, "porque o daquela non terás vivencias abondas como para escribir unha novela". Leo, non sen sorpresa, a Blanca Riestra afirmando que unha novela coral require madureza. Eu tendo a utilizar cada vez menos personaxes nas novelas e atopo máis dificil termar dun texto desenvolvendo unha presada de personaxes ca bosquexar un monte deles. De todos os xeitos, cando se fala de personaxes,... [Lire la suite]
Posté par Jaureguizar à 00:03 - Commentaires [5] - Permalien [#]
vendredi 20 juin 2008

PENSADOR ANALÍTICO

Descubrín este test grazas aos chuzas, contesteino e fiquei impresionado: son un pensador analítico, e eu nunca sospeitara tal.
Posté par Jaureguizar à 16:37 - Commentaires [23] - Permalien [#]
vendredi 20 juin 2008

SOÑOS LEXIBLES

Cando compro libros que me gustan, durmo con eles. Arrópoos na cama onda min e miro a súa capa ata que se me pechan as persianas das pálpebras. Teño a sensación de que os seus contidos van irme chegando en soños, como aqueles cursos de audio que aseguraban que se podían aprender ruso durmindo cuns cascos postos. Espazo Lectura tivo unha iniciativa que me fixo desexar ter entre seis e once anos.
Posté par Jaureguizar à 16:34 - Commentaires [0] - Permalien [#]