RIBADEO ACENDE E APAGA

Visito fugazmente o cabaret para informar aos escasos clientes que miro pola sala de que fallamos os premios da Sección Oficial da Festival de Curtas On&Off Ribadeo, que organiza Mister Misto Films, e os gañadores foron '18 segundos', en Ficción; 'O pintor de ceos', en Animación, e 'Bata por fóra (Muller por dentro)', en Documental. Formar parte do xurado desta sección custoume dúas noites de insomnios e de sobordar ledicia porque 'orixinalidade' foi a palabra que máis escribín a respecto das curtas que ía mirando no meu caderno de apuntamentos. En 'A Toda Mecha', esa sección que amo tanto porque require facer unha curtametraxe en 75 horas, a galardoada foi ' O ecoloxista'.