AFTER THE VRAO

O mâitre do cabaret marchou coma sempre, sen avisar. Agora volve avisando: estou de volta, distinguida e vagarosa clientela. Na caixa de correo á que me chegan as sorpresas atopo Tras do solpor. O malo é que o tempo de lectura váiseme congostrando porque teño dúas novelas que entregar antes do 15 de setembro e un relato que debía correr no correo de R antes de que se me bote enriba o horizonte deste mes. Convidei ao local a Benny Golson para que vostedes gocen en directo do tema que dá nome ao libro. Non sei de darei resistido a mirar After dark.

Comments

[Jaureguizar]

Afortunadamente non teño problema de cartos, pero non frivolecimos co asunto, que hai xente padecendo pola cuestión. O consello, como o resto dos seus, de pouco me serviu. Mira que os tomo en serio, pero non dá unha. Vivo a cincuenta metros da Biblioteca Provincial de Lugo. Conta con numerosos recursos e visitoa dúas ou tres veces por semana para coller, fundamentalmente, películas. A pé, para non gastar. A enciclopedia de Cañada téñoa tamén de man porque a está reeditando a miña empresa. Grazas polo esforzo, malia que non houbo froito. Un bico gordecho.

[O Encomendador]

Podo, en efecto...
Sobre os cartos, terá problema de cartos vostede!!!!
Non son precisos moitos cartos para ler. Diríxase a unha das múltiples bibliotecas públicas do país -a pé, para non gastar- e use o servizo de empréstito. Verá.
Para empezar, tomo 1 da Silverio Cañada.

[Jaureguizar]

Sexa benvido de volta, Encomendador. Agradezo a sú preocupación pola miña alfabetización, pero vostede pode contribuír con consellos de lecturas, con tempo e mesmo con cartos para que eu poida escribir menos e ler máis. Grazas, grazas.

[O Encomendador]

Eu tamén marchei sen avisar e aviso que regreso...
Xa sabe o que penso da faltiña que lle fai ler.

[Jaureguizar]

¡Xa a teño! Unha proba para desconfiados: comeza así: "O que estamos a ver é a silueta dunha cidade".