BRINDE POR REI BALLESTEROS

Recibo esta mensaxe e colócoa neste lugar destacado do local. A Rei Ballesteros sempre o lembro polo seu fondo ensaio sobre o concepto do tempo en Shakespeare.

A TODOS OS AMIGOS DE ANXO REY BALLESTEROS

Un grupo de persoas ligadas a "Café Voltaire", tertulia viguesa da que forma parte o noso amigo Anxo Rey Ballesteros, vanse reunir para desexarlle unha pronta recuperación da súa enfermidade. Nese acto, brindarase á súa saude, leranse fragmentos da súa obra e falarase da súa significación na literatura galega recente. Invitamos ao seus amigos de toda Galicia a compartir con nós eses momentos -e, eventualmente, a ler algún texto ou lembrar dalgún modo ao amigo enfermo-, acudindo a Vigo o Venres 17 de Octubro, ás 20´30 no Central Pork, en Via Norte 40 (xunto á estación de ferrocarril). Rogámosvos que fagades extensiva esta convocatoria á xente que vos pareza oportuno.

Comments

[Jaureguizar]

Celeiro é bonito, mais iso de Mariñaos dálle un toque especial.

[biscoitofino]

Celeiro , de Viveiro, monsieur Voltaire. Mais teño de recoñecer que poucos nomes tan eufónicos na nosa toponimia como Celeiro de Mariñaos

[Jaureguizar]

A maiores das súas achegas como novelista, eu valoro ese cerebro que ten. Escoiteino en conversas improvisadas e fiquei impactado pola súa capacidade para relacionar conceptos.

[Jaureguizar]

Biscoitiño, unha curiosidade: Celeiro de Viveiro? Celeiro de Mariñaos?

[biscoitofino]

Rei Ballesteros é un dos pioneiros de una literatura galega distinta, en certa maneira, e un outsider, ou como se diga...Botaremos un grolo de alvarinho na distancia , desde Celeiro.