O duty free de Carrasco serveume para descubrir un curioso pack chamado Cinema Français, un remexallo con dúas películas de innegable interese: Caché e L'adversaire, e mais un produto para grandes salas e público de baixa intensidade, 36, Quai d'Orfevres. As dúas primeiras teñen bastante en común, tanto polo tema como polo tratamento. A terceiro non pasa de ser unha xeira executada con medios e profesionalidade, pero que non daba moito de si. Tras mirar as tres descubro que Cinema Français non era tal, senón tres cintas con Daniel Auteuil, un actor correcto na seriedade e crible na diversíón, aínda que nunca mirei a ninguén chorar con tanta sequidade no lacrimal.