COUSA NOSA

Na noite de onte atendín unha recomendación de Bragado e de Fernández Paz que logra interesarme vivamente. Ao tempo, infórmome da enxurrada de títulos sobre o tema que están aparecendo no mercado español: Brancaccio, galardoada co premio ao mellor guión na Comicon de Nápoles, recrea o día a día dun dos barrios máis machucados de Palermo, ese no que a Cosa Nostra é máis forte. Spaguetti Bros. móvese no ámbito dos mafiosos estadounidenses; os irmáns Centobucchi son un gángster, un cura, un policía, unha actriz e unha ama de casa. La Cosa Nostra recrea as biografías de capos clásicos, como Al Capone, Frank Costello ou Lucky Luciano. Algúns deses personaxes aparecen en Camino a la perdición , que moitos clientes coñecerán pola visión que se nos deu nunha película. A maiores, chega en español Una historia violenta, que tamén tivo versión audiovisual e está guiada por unha visión máis humana, cun delincuente teimando en ser un home novo.

Comments

[Jaureguizar]

Manuel Bragado, o líder dos Sopranistas galegos confesa.
http://bretemas.blogspot.com/2008/11/os-soprano.html#comments

[Ollo de Vidro]

Concordo con Folerpa (anque só lin o primeiro dos dous volumes de RG publicados polo momento) e aproveito para felictalo polo seu Festina lente, que rematei hai un par de semanas.

[Jaureguizar]

Mirarei logo, Flocon. (Por certo, Agustín faloume emocionado da súa felicitación con Maggie Cheung).

[flocon]

Se quere vostede ler o mellor xénero negro que se fai nestes intres en Europa merque na súa tenda de banda deseñada RG (Astiberri Editorial) debuxada por Peeters e guionizada por un madero galo.En verdade o mellor herdeiro daquel polar francés que encabezara J.P.Manchette. Xenial!!!!

[Jaureguizar]

Ten vostede sorte porque na miña Biblioteca Provincial de cabeceira non a atopei. Está botándoa os sábados na Fox dende o primeiro. Sobre cómics, falo por referencias, pero atenderei as súas suxestións.