FUN LOVIN'CRIMINALS BSO PARA THE SOPRANOS

Por culpa do sopranista maior do Reino de Galicia, fiquei enganchado. Por mor da serie non lle terei as novelas en prazo. Onte, escoitando a BSO, convencínme de que tiñan que ser os Fun Lovin'Criminals, pero estaba enganado. Con todo, penso que sería un grupo perfecto para escribir a BSO de The Sopranos, por estaren no estrato máis macarra dos niveis da elegancia.

Comments

[Jaureguizar]

Obviamente, o seu amigo ten moi bo gusto. Eu sigo aos FLC dende hai tempo e tiveron unha evolución ben curiosa. Vaille un agasallo para o seu amigo
http://es.youtube.com/watch?v=FwFLwYvq1wQ&feature=related

Canto o da poesía, non teño nada que ver con ese señor. Na miña póla dos Jaureguizar sempre fomos xente de orde e non cometemos antoloxías de poesía ;-)

[herba]

Gosto diso de "estrato máis macarra dos niveis da elegancia". É unha acertada categoría para esta banda que, verdadeiramente, non o fai nada mal. Teño algún amigo "adicto" a este grupo. O estado de éxtase que alcanza co n algúns dos seus temas só é comparable ó que lle producen algunhas cancións de Barry White. Sobre os Soprano aínda non podo opinar.

Por certo, Sr. Voltaire. Se por unha casualidade eu atopase nunha libraría de vello unha antoloxía poética de Alfonsina Storni asinada por un tal Jaureguízar, que posibilidades hai de que o autor da sinatura sexa un coñecido de vostede?