Frank Rinlo é un dos secundarios d'O Globo de Shakespeare, aínda que está cheo de ser un secundario. Ex especialista de dobraxe, chega a Ribadeo doente de cancro de gorxa, cunha voz metálica, para matar ao ex presidente do goberno, a quen culpa de rematar co espaguete wnestern coa lei do cinema que promoveu. Frank tamén regresa a Ribadeo para se reencontrar coa rapaza da súa mocidade, Celia, que perdeu a vida agardando por el. Esa pretensión de recuperar un amor que abandonou medio século atrás dá idea do seu carácter optimista, soberbio e un tanto agresivo. Conserva un físico poderoso aos seus setenta anos.