jeudi 18 décembre 2008

LEANDRO (ELENCO DE PERSONAXES D' O GLOBO DE SKP. E VIII))

Leandro é o personaxe de maior peso en O Globo de Shakespeare sen ser o que máis páxinas ten. É un loitador, que loita por manter un físico atractivo e forte na vellez, loita pola súa convición artística (é un pintor que introduciu o expresionismo abstracto en Galicia, pero non soubo evoluír) e loita por dirixir as vidas dos seus. O seu carácter sitúase entre a vaidade e a xenerosidade, aínda que sempre acabe por impoñerse o egoísmo. Non atura a mitomanía que ten Ricardo, o seu fillo (mesmo a que ten cara el).
Posté par Jaureguizar à 07:11 - Commentaires [5] - Permalien [#]

jeudi 18 décembre 2008

ESTOU EN TERAPIA

A miña sogra recomendoume En terapia, outro producto HBO. Dous tipos, ás veces tres (un psiquiatra e os seus clientes) reunidos nunha habitación falan durante media hora. O formato, concebido para ser emitido a diario, é suicida, pero, inesperadamente, funciona. O guionista, tamén director, consigue manter o pulo. Alguén diría que o talento de Rodrigo García vén de onde vén, pero o seu pai nunca dará construído nin a cuarta parte dun dos personaxes que escribe o fillo.
Posté par Jaureguizar à 06:38 - Commentaires [2] - Permalien [#]