SE NON HAI CONTROVERSIA, PARA QUE QUEREMOS A CULTURA?

Xurxo Borrazás, en Vieiros: "O que si vexo é que a forma de estar dos escritores galegos é demasiado tranquila, falta ruído. Non se crea controversia, e se non hai controversia, para que queremos a cultura?"

Comments

[O Encomendador]

Borrazás tamén é unha mente lúcida na nosa literatura, si señor. El inténtao, segue publicando (fai ben, se llo publican...), pero pasa o tempo e nada hai de valor nas súas páxinas. O máis atinado que fixo foi inventar o "completemerda", empregando unha técnica novísima que se lle ocorreu a el por primeira vez. É un vangardista!
Ho de Gaurejizar hé huna istoria ven diferente...

[jaureguizar]

Sinto estar de acordo, pero non puiden evitalo ;-)
Estou tamén de acordo en que os temas que non son literarios teñen máis clientela, por moito que eu adoite evitalos. O do cartel entendíno, o caso é que me liei para contestar. A Casa das Letras é un sitio estupendo e os seus responsables aínda máis.
Agárdoo polo cabaret! Ben sabe que non precisa reservar mesa.

[r.r.]

Se está de acordo non mola.

Pero ve como no de María Reimóndez hai moitos máis comentarios? Calquera tema antes que o literario.

Sobre o do cartel, eu dicía todo o contrario, que aquí escribe un sen problema ningún.

¡Saúdos e ata pronto!

PS: E xa sei que non é o sitio, pero os de Fco. Lanza leváronme tamén á Casa das Letras e é unha ledicia.

[jaureguizar]

Boas, R.R., sabe vostede que é benquerido no Cabaret e que ese cartel metálico que colga malamente na porta e que reserva o dereito de admisión case que nunca se aplica. Calquera noite anímome e o desencravo. Sobre os seus comentarios non vou engadir nada porque basicamente estou dacordo. Unha aperta e esta ronda (soamente esta, eh?) corre de conta da casa.

[r.r.]

A min o principio do artigo paréceme desacertadísimo, esa xustificación da escrita fragmentaria: ¿cre Borrazás que os escritores do XIX non estaban desbordados pola realidade? Por iso se escribe, básicamente, porque a realidade nos desborda. Dende sempre, e senón, ¿a santo de qué nos poñemos a facer algo así?

Tocante á literatura catequética, didactista, e á escasa polémica si estou de acordo; supoño que ten que ver con que aquí case ninguén se xoga as fabas co que escribe e hai moito mestre e profesor dándolle a pruma, principalmente porque son os que teñen horas libres para facelo. E as polémicas, as máis das veces, por influencia da telecorazón, supoño, acaban -e mesmo empezan -no terreo persoal e non no literario.

E no referente ás dificultades para publicar, sinceramente, paréceme un disparate. Creo que publicamos en Galicia moito máis do que lemos e que se publican a diario cousas tan merdeiras como en calquera outro sistema literario. O problema verdadeiramente grave da literatura en galego é que somos moitos a escribir e moi poucos a ler.

Saúdos. (Escríbolle aquí porque é moito máis doado que en vieiros, que case piden o DNI para dicir ola)