Eu conto que vai ser un día grandioso porque as novelas, para seren prolongacións da vida, deben camiñar polos seus escenarios. 'O Globo de Shakespeare' percorrerá mañá Ribadeo na conversa que manteremos Gonzalo Moure e máis eu ás 20.30 de mañá (sábado) na Casa das Letras de Ribadeo. Gonzalo é coautor da sensacional novela A porta de Mayo, que ten moito que ver co 'Globo'. O convite é da Asociación Francisco Lanza e a anfitrioaxe de Andrés. Si, si, acougade, a miña muller prometeu que haberá galletas desas que andan facendo sombra ao libro.