O showcase d'O Globo de Shakespeare chega este venres ás 20.00 horas na Librouro, en Vigo. Falarei co meu paciente editor a respecto da novela durante unha hora na que haberá stand up comedy improvisada, paixóns sen brida, ruxe ruxes con base real, reveladoras confesións sobre a condición humana, evidencias involuntarias das miñas contradicións, silencios que o dirán todo, vergoñas que calarei educadamente, reflexións comúns e agochadas sobre o sistema literario galego, e comentarios retranqueiramente misericordes a respecto dos meus amados rivais.