mars 2009

Soñei o nome do novo conselleiro de Educación e Cultura.

A proposta de Herzog e Meuron para a Tate, que se aprobará o martes, é cando menos interesante. Eu non acabo de ver unha pirámide ao carón do Támesis, a Ponte do Milenio e a vella fábrica da luz, pero son dous arquitectos moi audaces de diós.

O espectáculo Unha Primavera para Aldara do Teatro do Atlántico acadou sete premios María Casares de Teatro; entre eles, o premio ao mellor espectáculo. Obra (no comment) de PT Excéntricas logrou dous premios. Xulio Lago obtivo o premio ao mellor director por Unha Primavera para Aldara, Víctor Mosqueira foi o mellor actor por Obra (no comment) e María Bouzas a mellor actriz por Unha Primavera para Aldara.

Darío Villanueva nega con contundencia que vaia ser conselleiro de Educación e Cultura. Confirma que houbo xantar con Feijoo, antonte, pero que o presidente quería coñecer a súa visión sobre a educación e a cultura galegas. Villanueva nega que houbese oferta, agradece que se lle consulte coa axenda que ten agora Feijoo e rexeita entrar en política. Decepción para Feijoo? Era un tanteo?

Pois todo indica que si. Hai unha primeira parte de lóxica: se vai haber unicamente dez consellarías, non vai sobrevivir a de Cultura. Unha segunda parte de lóxica: malia non ter consellaría de seu, Cultura vai ser determinante para que Feijoo poida conter as críticas do ámbito cultural (nacionalista no 98 por cento) elexindo a un galeguista con prestixio abondo no ámbito académico (educativo). A terceira parte é un dato: o noso futuro presidente e máis o académico da RAE xantaron xuntos hai uns días.

Corre pola rede o 'fake' de que o escritor Xosé Carlos Caneiro vai ser conselleiro de Cultura. Lino en foros de partidarios do monolingüísmo en Galicia, tanto dun signo como do outro. Moitos dan por descontado que a Consellería de Cultura acabará sendo apelido da Consellería de Educación, polo que non haberá conselleiro. (Artigo para El Progreso e Galiciaé)

Hai moitos lectores d'O Globo de Shakespeare que teñen por favorito a Frank Rinlo. Non deixa de sorprenderme por está trazado coma un apoio para a parada do reloxo emocional da personaxe de Celia Mandiás, que ficou namorada dun mozo de medio século antes e entregada a un neno que ten eternamente sete anos.

Xa que os xurados de novela e conto están formados por poetas, porque os premios de poesía non os deciden narradores?

Os promotores dos Premios Arcebispo San Clemente deron a coñecer os finalistas. En galego están López Silva, Lourenzo e Canal; estes dúas últimas escollas dan idea da calidade do Premios Xerais 2008.

Despois de esmagarnos co seu talento sopránico, David Chase regresa con 'A ribbon of dreams' para HBO.