dimanche 20 septembre 2009

O CONTADOR DE ESTRELAS

O meu novo libro chámase O contador de estrelas e foi publicado na Serie Vermella (dende 14 anos) por Obradoiro Alfaguara. A novela narra o peculiar verán vivido por unha adolescente chamada Antía, afeccionada aos avións e aos libros de vampiros. A trama comeza cando descobre que terá que pasar o verán coa súa nai, Rosa, no seu novo posto de traballo. Rosa será a nova emisorista do Servizo Antilumes no Aeródromo de Rozas, na comarca de Lugo, un lugar que se vai ver afectado polos incendios provocados polo piloto do avión vermello.... [Lire la suite]
Posté par Jaureguizar à 02:59 - Commentaires [2] - Permalien [#]

vendredi 18 septembre 2009

MASCOTAS

O himno galego é o único que se inicia cunha pregunta. ‘Que din os rumososos?’ Empezamos mal se no cántico que representa o pentagrama do noso ADN comezamos dubidando. Non me estraña esa crítica que se fixo ás galescolas de que soamente se preocupaban de aprenderlles o himno aos alumnos. Estaban sementando neles a inseguridade e mais a dependencia emocional de algo tan pouco fiable como son os rumorosos. En defensa das novas escolas infantís argumentouse que a súa simboloxía era apolítica, «porque a galiña é unha mascota». A moda de... [Lire la suite]
Posté par Jaureguizar à 09:35 - Commentaires [2] - Permalien [#]
jeudi 17 septembre 2009

OS EDITORES DECIDEN HOXE SE RETOMA CULTURGAL

A Asociación Galega de Editores (AGE) decide hoxe se retoma a organización da feira Culturgal, que fora suspendida despois de que a Consellería de Cultura comunicase que non había partida orzamentaria para organizala este ano. A iniciativa foi asumida por ‘Queremos Culturgal 09’, un grupo de persoas que tomou forma na rede social Facebook. Onte pasan das setecentos seareiros, entre os que figuran Moncho Borrajo, Manuel Bragado ou María Reimóndez. ‘Queremos Culturgal 09’ solicitou voluntarios para facer as actividades, e contan con... [Lire la suite]
Posté par Jaureguizar à 16:33 - Commentaires [0] - Permalien [#]
dimanche 13 septembre 2009

ROSALÍA VOLVEUSE NEOCON

UN DÍA ROSALÍA volveuse neocon. Arrincouse o cravo fondo do galego no verán de 1881 aseverando «ni por tres, ni por seis, ni por nueve mil reales volveré a escribir nada en nuestro dialecto». Falou de reais, de economía, para aplicar o principio liberal de que as linguas debe regulalas o mercado, o ‘laissez faire’ —o ‘deixar facer’ de Gournay— que tan de moda está en nome da liberdade dos pais a irromper no currículo escolar. Nós non asinamos o acuse de recibo do desprezo de Rosalía porque ela era a nosa Venus de Kostienki, coas... [Lire la suite]
Posté par Jaureguizar à 16:22 - Commentaires [8] - Permalien [#]
jeudi 10 septembre 2009

DE PINCHAR A CRONIQUEAR

Parecíame unha vergoña escoitar a Xusto López Carril pinchando discos ata hai ben pouco e paréceme outra sentir agora a Belén Regueira croniqueando o inicio do curso. Disque a Radio Galega andaba sobrada de bos periodistas no bipartito e debe de seguir sobrada no monopartito. Cada día me descubro a min mesmo desprazando o dial dende a RG a Radio 3 en máis ocasións.
Posté par Jaureguizar à 13:37 - Commentaires [8] - Permalien [#]
mercredi 9 septembre 2009

REUNIR, SEPARAR

Participei nas dúas edicións de Culturgal. A primeira, un venres pola tarde en Pontevedra, dicías algo e volvíache a frase co eco. Na edición coruñesa botei a fin de semana a razón de doce horas diarias no Palexco. Gardo moi bo recordo de toda a nosa vangarda reunida nun local, de poder coñecer o que se crea no país cun paseo. Cultura rexeita organizar outro Culturgal, reunir cultura; mentres Educación axuda a colexios que separan nenos de nenas.
Posté par Jaureguizar à 22:58 - Commentaires [3] - Permalien [#]

mardi 8 septembre 2009

NEOCONS DA LINGUA

Moitas veces botei en falta advertencias da RAG sobre o neoliberalismo lingüístico (as linguas deben ser reguladas polo mercado) da Xunta, o outro día reconcilieime con eles. A mala nova é que os neocon da lingua van facer unas 'Jornadas Bilingües' (sic) a prol de ampliar os ámbitos para o idioma máis forte e o 'laissez faire' co máis feble.
Posté par Jaureguizar à 18:16 - Commentaires [2] - Permalien [#]
samedi 5 septembre 2009

GRIPE A, HEPATITE B, ASTRACANADA C

(artigo en El Progreso e Galiciaé) UNHA VEZ, sendo neno, advertín á miña nai de que estaba desganado. Como iso non acontecera nos 11 anos anteriores, levoume ao médico. O doutor Loureiro apalpoume o bandullo con aquelas mans gordechas e suaves coma un queixo de nabiza. Daquela aínda non me agromara a soberbia de ser escritor e non lera ‘O Decamerón’ nin ‘Os Contos de Canterbury’; nunca sentira falar de ‘A morte en Venecia’ e menos de ‘A peste’. Non sufría esa teima autolesiva de querer padecer unha tuberculose para desprezar o... [Lire la suite]
Posté par Jaureguizar à 10:43 - Commentaires [6] - Permalien [#]
vendredi 4 septembre 2009

DANI DE LA TORRE RESCATA A ORIXE DA INDUSTRIA PESQUEIRA CON AVENTURAS

Dani de la Torre recuperará "unha parte da nosa historia" coa rodaxe da miniserie para televisión Mar libre, que terá como trasfondo "a chegada dos fomentadores cataláns a Galicia o século XVIII para instalar as primeiras salgas". A rodaxe, que comezará o vindeiro día 14 e durará seis semanas, será "unha historia de acción e aventuras". Un xeito ben intelixente e atractivo de revisitármonos.
Posté par Jaureguizar à 02:01 - Commentaires [0] - Permalien [#]
vendredi 4 septembre 2009

A FUNDACIÓN CELA, UNHA COLMEA?

Hai un ruxe ruxe que fala dunha situación grave na fundación do escritor en Padrón.
Posté par Jaureguizar à 01:23 - Commentaires [2] - Permalien [#]