DEIXE O NACIONALISMO E VIAXE CONNOSCO

Chesterton boutadeou aquilo de "o nacionalismo cúrase viaxando", que os españois adoitan atribuír a Pío Baroja. Habería que analizar a frase no seu contexto, pero pensada hoxendía é unha parvada. Enganábase Chesterton porque agora comprobamos é que o abandono do nacionalismo para roldar o poder dá moitas oportunidades de viaxe. Alfredo Conde abandonou o galeguismo e foi premiado cun debate sobre novela española en Beijing e agora vai para Frankfurt, Caneiro renegou do nacionalismo non chegou máis que a Madrid, pero non tardaremos en velo nos máis lonxanos destinos porque O Equilibrista camiña habelenciosamente sobre a liña editorial que lle trazaron.

Comments

[biscoitofino]

Moi reveladores os 4 nomes, Flocon, e eu xa fixen as contas que demandan vostede: hay bilinguismo e hai Voz , e dabondo!

[flocon de neige]

Por deixar as cousas clariñas:
A cortexo do lIBER, mais do ínclito Caneiro, o conforman María Canosa,Luisa Castro e Reigosa.
Facer contas de cantos son articulistas da Voz e cantos bilingues?

[jaureguizar]

Si, Rosa non defende causas sociopolíticas, senón que fai literatura, por iso non se ve favorecida polos políticos.

[jaureguizar]

Biscoito, son tantos anos aturando fatadas que non me afectan. Porén dáme mágoa que este homiño non expoña as súas razóns sen importunar, sería máis efectivo para el.

[Salvador]

Rosa Aneiros é boa escritora e mellor persoa, pero non creo que lles valla aos bilingües que están no machiño. É unha honra para ela que estes non a consideren. Estamos en tempos de "Resistencia".