A POLICÍA INVESTIGA O ATAQUE CONTRA BLANCO VALDÉS
[A vivenda do catedrático de Dereito Constitucional da Universidade de Santiago de Compostela e coñecido articulista de opinión, Roberto Blanco Valdés, foi atacada esta madrugada cun artefacto explosivo de fabricación caseira que provocou escasos danos materiais. Segundo confirmou a Europa Press Blanco Valdés, este non é o primeiro ataque que dirixen contra a súa vivenda, xa que o pasado 1 de novembro localizou un cóctel molotov que fora lanzado ao xardín, pero que non chegou a explotar, e o día 10 dese mesmo mes foi queimada unha roda con gasolina contra o valo da súa casa. Todos estes "atentados" foron denunciados ante a Policía Nacional, que confirmou que abriu unha investigación para intentar esclarecer os feitos. No caso do último artefacto, que explotou ao redor das 3.15 horas desta madrugada, estaba composto de petardos e unha bombona de cámping gas.]