VARELA. " A CULTURA GALEGA ESTÁ TAN SUBVENCIONADA COMA CALQUERA OUTRA"
ROBERTO VARELA recoñécelle a Iago martínez, en Xornal: "A cultura galega está tan subvencionada coma calquera outra, niso non somos nin máis nin menos. Quizais o que lles molestou aos editores foi o de que se producen demasiados libros. (...) Non sei por que os editores se sumaron a esta campaña, a esta carta, pero nós temos unha excelente relación con eles. Estamos no mesmo carro, pero eu teño a responsabilidade de adoptar unha política. Non podo facer o que todo o mundo me di que teño que facer. Dende o diálogo, pero teño esa responsabilidade. O que quero que quede clarísimo é que non considero pexorativamente a cultura galega. É un sambenito que me queren colgar, pero é falso. O nivel de calidade da cultura galega é moi alto. A miña vantaxe comparativa con relación ao resto é que eu teño clara a visión que hai de Galicia no exterior porque a vivín durante vinte anos, e é mellorábel".