21 février 2010
PABLO CARPINTERO ESCOITA A VELLA GALICIA
O músico de Carballedo Pablo Carpintero ideou o libro 'Os instrumentos musicais na tradición galega' hai 16 anos, cando reparou en que Galicia non contaba cunha obra que recompilase a súa riqueza dende o punto de vista dos instrumentos que os músicos populares foron utilizando ao longo da súa historia. A obra, que vén de ser publicada por Difusora de Letras, Artes e Ideas, é un catálogo amplo sobre a historia, as características e os usos de 144 intrumentos que foron utilizados en Galicia ao longo da súa evolución, dende os primeiros tempos ata a actualidade. Carpintero cóntao en cerca de medio milleiro de páxinas que van acompañadas de 1.000 fotografías e ilustracións, en deseños de Xosé Ramón Marín.
Publicité
Publicité
Commentaires