LUIS TOSAR LIDERA O DEBUT DISCOGRÁFICO DE 'THE ELLAS'

Tras asentarse como actor no 'star system' español con varios premios Goya, Luis Tosar está disposto a erguer premios da Música. O intérprete é o rostro máis popular dos cinco que compoñen o retrato do grupo The Ellas, que pasou a escribirse onomatopeicamente Di Elas e está gravando o seu primeiro disco nun estudo situado nalgún lugar da contorna de Santiago. O álbum xa ten compañía, pero non ten nome. Conterá once temas compostos polos músicos da banda —os lucenses Tosar (voz e guitarra), Piti Sanz (guitarra), Iván Laxe (baixo) e Roberto Muñoz (batería), e o vigués Suso Alonso (teclista)— sobre bases de músicas e letras de Tosar e Sanz.