UN DIRIXENTE NACIONAL DO BLOQUE FOI ASASINADO
Alberto Ramos informa en Xornal:[ “É unha novela negra cun detective bastante afeccionado ás culturas orientais que investiga o asasinato dun parlamentario”. Deste xeito define Diego Ameixeiras o argumento da súa próxima novela, Asasinato no Consello Nacional, que publicará a editorial Xerais á volta do verán. Con esta nova obra, Diego Ameixeiras segue a liña doutras obras que empregan como pano de fondo a política como pode ser a lembrada Asesinato en el Comité Central, de Manuel Vázquez Montalbán.
Como pano de fondo, Diego Ameixeiras escolleu un capítulo próximo na historia política da formación nacionalista. “A novela transcorre dende que o bipartito perde as eleccións até a asemblea. O asasinato prodúcese no Consello Nacional no que a executiva do Bloque dimite. A historia transcorre dende eses momentos e nos meses até que se produce a asemblea”, sinala Diego Ameixeiras.]