Canalblog
Editer l'article Suivre ce blog Administration + Créer mon blog
Publicité
O CABARET VOLTAIRE. Seit 2005.
1 septembre 2010

O FILLO DA FURIA, ILUSTRADO

A audacia de Mamed Casanova foi de tal magnitude que aínda hoxe, transcorrido case que un século dende os seus últimos atracos, interesou a Manuel López Poy e Miguel Fernández para contar a súa historia, como antes fixeran Valle-Inclán ou Pardo Bazán. Ambos os dous veñen de publicar Mamed Casanova. O fillo da furia (Demo Editorial publicou e fixo un interesante trailer), un volume de 96 páxinas que amosa nas primeiras páxinas a valentía case inconsciente do último bandoleiro, que delinquiu polo norte de Lugo e A Coruña. Manuel López Poy, guionista, sinala que comezou de moi novo perpretando delictos menores que o conduciron a dous reformatorios sendo un neno. Estreou a súa adolescencia desenterrando o cadáver dun indiano para quedar coa sú roupa «e poder emigrar a América ben vestido, porque el tamén tiña esa intención, aínda que despois non a cumpriu», comenta o guionista. Casanova fixo que un xastre lla axeitara e paseouse vestido co traxe do morto polas festas. O seu golpe máis espectacular foi participar no asalto á casa reitoral do seu Grañas (Mañón) natal. No atraco mataron á criada do cura e os outros atracadores botáronlle as culpas por ser menor de idade. López Poy asegura que o tema do bandoleirismo interésalle hai moitos anos «e tamén o cambio da sociedade que se deu co paso do século XIX ao XX». Engade que Mamed Casanova «acadou unha aureola romántica porque se opuxo aos caciques, aos indianos, aos curas e á Garda Civil; que eran os que mandaban, e ninguén se atrevía con eles». O guionista sabe que «non era ningunha boa persoa, roubaba aos ricos porque eran os que tiñan cartos, pero tamén a estudantes ou aos que volvían das feiras». Hai un par de anos coñeceu ao debuxante Miguel Fernández e propúxolle a idea. Poy residía en Barcelona daquela e o ilustrador, en Lugo, polo que traballaron a distancia nesta historia que quixeron publicar primeiro en galego «porque era un personaxe de aquí que se moveu por Galicia», con mil exemplares, para «dentro duns meses», editar en castelán.

Publicité
Publicité
Commentaires
M
Pois sí que conocía o libro e consulteino, ademias de outros, ainda que non era a intención facer unha historia absolutamente biográfica.<br /> Gracias pola reseña
Répondre
J
Durante a entrevista con Poy para escribir ese texto, tiven na cabeza ese libro, pero, ao cabo, non lle preguntei se o consultara. Agradezo que o tira da miña desmemoria para citalo, Adosinda.
Répondre
A
Mais vostede ignora a espléndida aportación de Hixinio Puentes, "O bandido Casanova", Xerais, 2000
Répondre
O CABARET VOLTAIRE. Seit 2005.
Publicité
Archives
Derniers commentaires
Newsletter
2 abonnés
Visiteurs
Depuis la création 303 454
Publicité