LOPO: "A REPÚBLICA GALEGA É UNHA POSIBILIDADE REAL"
Elena Pita entrevista a ANTÓN LOPO para Galicia Hoxe.O escritor usa unha inmensa metáfora de ciencia-fición para regresar nun bucle á posibilidade materializar os soños: [Estamos no século XXII, houbo unhas crises económicas terribles, onde o que sería o reino central renuncia a sufragar o mantemento das administracións periféricas e da súa poboación. Houbo tamén unha crise climática, con todo o que iso supón. Temos que imaxinarnos unha Galicia onde A Coruña, Vigo, Cangas, Viveiro ou Pontevedra non existen porque a subida do nivel do mar arrastrou con elas. Compostela construíu un porto no mar, concretamente no Faramello, proclámase a independencia da nación pero é unha independencia que, misteriosamente, non se pode chegar a efectuar de xeito real. De forma que queda un territorio, a Alemparte, onde non hai un control efectivo pola autoridade, e unha cidade case Estado que se parapeta no seu poderío. O soño da república galega non é un soño recente. É un soño que xorde a primeiros do século pasado e se fornece ao longo da última centuria. A república galega é unha posibilidade real.]