EFE: [Holanda acaba de lanzar unha cruzada frontal contra a piratería de música, vídeos e libros electrónicos en Internet: o país dos tulipanes pretende ser un dos mellores exemplos mundiais no respecto dos dereitos de autor na rede. O goberno da Haia prepara unha nova lexislación que prohibirá expresamente as descargas ilegais desde a Rede, segundo confirmou hoxe o secretario de Estado holandés de Xustiza, Fred Teeven. Probablemente, desde o próximo mes de setembro porase punto final á posibilidade de que os usuarios holandeses poidan «roubar» material sonoro ou visual desde a web, a menos que paguen polos contidos descargados.]