MOURELOS, TOSAR E COIRA DIRIXIRÁN A ACADEMIA DO AUDIOVISUAL

Alberto Ramos, en Xornal: [O actor e dobrador Antonio Mourelos sucederá con toda probabilidade a Xosé Manuel Olveira Pico na presidencia da Academia do Audiovisual Galego, xa que é o único candidato para ocupar o cargo. Mourelos preséntase á elección cunha lista que concentra, en certo xeito, todos os sectores do audiovisual e que reúne grandes nomes do audiovisual galego actual. O director Jorge Coira, o intérprete Luís Tosar e a produtora Emma Lustres son algunhas das figuras que se poden atopar na candidatura encabezada por Mourelos. Unha candidatura que terán que votar os académicos na asemblea do próximo 27 de maio.]