POÑEDE AS VOSAS MANS PÚBLICAS SOBRE O PATRIMONIO, POR FAVOR

A recente onda de roubos -un de factura vintage e outro adscrito á vangarda máis anovadora- debería animarnos a reconsiderar en que mans deixamos os bens colectivos. A palabra público está descatalogada en el vocabulario ultraliberal que nos modula os discursos, pero o sector público debería asumir e garantir a conservación do patrimonio monumental, arquitectónico e artístico que xestiona a Igrexa, e tamén xestionar a propiedade das obras musicais. Basicamente, porque o patrimonio eclesial é unha creación popular na maioría dos supostos e porque todos contribuímos ao seu necesario mantemento. Fundamentalmente, porque as pezas sonoras son froito de milleiros de compositores que deben verse compensados sen medo a piratas a un lado ou a outro da rede.