A PRESENTADORA PAULA VÁZQUEZ, SECUESTRADA

A presentadora Paula Vázquez está secuestrada. A revista In Touch publicou unha fotografía na que semella unha bota de viño baleira ás que ela apón outras de aspecto louzán. Para desmentir que envie a imaxe actual como se fose un deses estarrecedores vídeos necrolóxicos gravados en vida, amosa dúas capas de xornais de hoxe. Lembrei a Aldo Moro, violentado, resignado tras camiñar ata o fondo do seu terror. A síndrome de Estocolmo da imaxe empuxa a moitas profesionais da estética a intentar parecer suecas.