YES, WE CAMP

IAGO MARTÍNEZ, en Xornal: [Bendita ficción. Quen non daría a metade do seu salario para que baixase Superlópez a poñer no seu sitio os empresarios? Mágoa que os consellos de administración non sexan como as prazas ocupadas dos indignados que retrata Yes We Camp!. O país realmente existente non o debuxou Jan. En serio. Tampouco os outros corenta autores, entre debuxantes e guionistas, coordinados por Tomeu Pinya e Pere Meján para a editoral Dibbuks nun libro que sairá á venda a finais deste mes cun elocuente subtítulo: “Bocetos para una (r)evolución”.

Se hai beneficios na primeira edición de Yes We Camp!, será un accidente. Tomeu e Pere aseguran que non está pensado como un negocio, e de aí que no prezo de venda ao público –9,50 euros– non haxa porcentaxe para os autores. “Pretendiamos facer o libro o máis económico posíbel. O noso obxectivo é difundir as ideas, non lucrarnos con elas”, apura Pere.]