trapielloAndrés Trapiello ten cara de antepasado. Non digo eu que escriba coma un antepasado, que tamén. A penas teño información sobre el. Seica escribe diarios e mesmo ousa editalos. Hai que ser moi antepasado para escribir e facer públicos diarios nestas alturas de redes sociais, pero el é un señorón polo que non pasa o tempo, expresada a frase no seu sentido máis inmobilista. Nunca lle concedera unha lectura ata onte, en que me crucei cunha reflexión súa en La Vanguardia e fixen una paradela. O seu artigo está trazado a brochazo co tópico superado como única color. Desprezar o nome centenario dun xornal apelidándose Trapiello, marabillarse do atraso galego de hai trinta anos sendo de Manzaneda de Torío e de 1953, acáeseme coma evidencia dun pensamento denso coma un mantecado de Astorga ou como unha insensatez.